Publicamos a programación completa dos actos do 5 e 6 de decembro en Ferrol

Un ano máis, Causa Galiza mobilizará-se para expresar o rexeitamento do actual cadro xurídico-político imposto en Galiza entre 1978 e 1981 e reividicar un novo marco de soberanía política e económica para a Galiza. A manifestación nacional que celebramos anualmente desde 2007 celebrarase nesta ocasión na cidade de Ferrol, coincidindo cun progresivo agravamento da crise socioeconómica en que está imerso o País e defendendo alternativas estratéxicas frente á situación.

 A programación do 6D de 2011 desenvolverase nesta edición coas seguintes actividades:

Luns/Segunda-feira, 5 de decembro

16:00 Aberto de Billarda no lugar de Bertón

18:00 Merenda popular: chourizos e lacón

21:00 Concerto cos grupos Nhió! e Castomä

           A entrada é a 3€. O local é o Bar Chimarrao e encóntrase em Sartaña, 21

Martes/Terza-feira, 6 de decembro

12:00 MANIFESTACIÓN NACIONAL

           Saída ás 12:00 h. da Praza do Hino Galego e remate no Cantón

           Actuación de Míni e Mero

           Intervencións políticas de Joám Lopes, Xesús Pintos e Laura Bugalho

Causa Galiza está a fretar un autocarro que se desprazará desde Vigo, facendo paraxes en Ponte Vedra e Compostela para achegar a aquelas pesoas que non dispoñan de carro particular. Neste mesmo web pódese consultar a noticia en que se facilita o contacto para reservar prazas neste autocarro.